माय महाराष्ट्र न्यूज:WhatsApp, टेलिग्राम आदी Apps चा वापर मित्र, कुटुंबीय, नातेवाईक आदींशी कनेक्ट राहण्यासाठी प्राधान्याने केला जात आहे. यात WhatsApp ला युजर्सची विशेष पसंती मिळत आहे. कोणत्याही स्मार्टफोनवरून WhatsApp चा वापर करण्यासाठी इंटरनेटची गरज असते, इंटरनेटविना WhatsApp वापरता येत नाही.
अनेकदा डेटा पॅक संपल्यामुळे किंवा रेंज नसल्यामुळे WhatsApp सह अन्य Apps वापरण्यास अडचणी येतात. मात्र हा प्रश्न आता संपणार आहे. कारण एका ट्रिकद्वारे तुम्ही इंटरनेटविना देखील WhatsApp चा वापर करू शकता. इंटरनेटविना WhatsApp वापरण्यासाठी एक खास सिमकार्ड खरेदी करावं लागेल.
हे सिम कार्ड वापरून तुम्ही इंटरनेट नसतानाही WhatsApp अगदी सहजपणे वापरू शकणार आहात.इंटरनेटविना WhatsApp वापरासाठी आता एक खास सिमकार्ड उपलब्ध आहे. चॅटसिम असं या खास सिमकार्डचं नाव आहे. तुमच्या फोनमध्ये सिमकार्ड असलं, तरी हे सिमकार्ड अतिरिक्त खरेदी करावं लागणार आहे.
नेहमीच्या सिमकार्डच्या तुलनेत चॅटसिम या विशेष सिमकार्डची किंमत जास्त असली, तरी त्याचे फायदे अनेक आहेत.चॅटसिम सिमकार्डची किंमत 1800 रुपये असून, त्याची वैधता एक वर्षासाठी असते. तसंच हे सिमकार्ड तुम्ही देशा-परदेशात कुठेही वापरू शकता. विशेष म्हणजे हे सिमकार्ड तुम्ही
ज्या दिवशी खरेदी करता, त्यादिवसापासून एक वर्षापर्यंत याचा वापर तुम्ही करु शकता. त्यानंतर तुम्हाला हे सिमकार्ड रिचार्ज करावं लागेल. तुम्ही चॅटसिमचा वापर सुरू केल्यानंतर WhatsApp वापरण्यासाठी तुम्हाला इंटरनेटची गरज पडणार नाही.चॅटसिम
सिमकार्ड खरेदी करणं अत्यंत सोपं आहे. हे सिमकार्ड तुम्ही ऑनलाइन किंवा कोणत्याही ई-कॉमर्स वेबसाइटवरून खरेदी करू शकता. तसंच हे सिमकार्ड ऑर्डरदेखील करू शकता. सिमकार्ड मिळाल्यानंतर ते स्मार्टफोनमध्ये इन्सर्ट करणंही खूप सोपं आहे.
चॅटसिममुळे इंटरनेटविना WhatsApp चा वापर शक्य झाल्याने तुम्ही मित्र, कुटुंबियांसोबत अगदी सातत्यानं कनेक्ट राहू शकता.
