Sunday, July 3, 2022

शेतकर्‍यांच्या ऊस बिलातून वीज बिल कपातीच्या आदेशाची होळी

IMG-20210928-WA0001
WhatsApp Image 2022-04-23 at 12.19.16 PM
okk
previous arrow
next arrow
IMG-20210928-WA0001
WhatsApp Image 2022-04-23 at 12.19.16 PM
okk
previous arrow
next arrow
Shadow

माय महाराष्ट्र न्यूज : शेतकर्‍यांचा ऊस बिलातून साखर कारखान्यांनी वीज बिल कपात करण्याच्या आदेशाची महाराष्ट्र राज्य किसान सभा व भारतीय कम्युनिस्ट पक्षाच्या वतीने शहरातील लालटाकी येथील साखर सहसंचालक यांच्या कार्यालया समोर होळी करण्यात आली. तर विविध मागण्यांसाठी

जिल्हाधिकारी कार्यालया समोर निदर्शने करुन निवेदन देण्यात आले. या आंदोलनात अ‍ॅड.कॉ. सुभाष लांडे, अ‍ॅड.कॉ. बन्सी सातपुते, अ‍ॅड. कॉ.सुधीर टोकेकर, कॉ. भैरवनाथ वाकळे, बापूराव राशीनकर, संजय नांगरे, अशोक नजन, अप्पासाहेब वाबळे, गहिनीनाथ आव्हाड, सुलाबाई आदमाने, भारत आरगडे,

भगवान गायकवाड, सतीश पवार, लक्ष्मण कडू, तुषार सोनवणे, फिरोज शेख, दत्ता वडवणीकर, प्रा.डॉ. गणेश विधाटे आदी सहभागी झाले होते. साखर संचालक कार्यालयाने शेतकर्‍यांचा ऊस बिलातून विज बिल कपात करण्याचे आदेश साखर कारखान्यांना दिले आहेत. हे आदेश अत्यंत चुकीचे, बेकायदेशीर व अन्यायकारक

असल्याचा आरोप संघटनेच्या वतीने करण्यात आला आहे. तर या आदेशाला विरोध दर्शवित सदर आदेश मागे घेण्यासाठी आंदोलन करण्यात आले. वीज बिल वसूल करण्यासाठी वीज वितरण कंपनीने पगारी नोकर ठेवले असताना, वीज बिल साखर कारखान्यामार्फत वसूल करण्याचे कोणतेही कारण नाही.

ऊस उत्पादकांच्या संमतीशिवाय कोणतीही कपात करणे बेकायदेशीर आहे. विद्युत महावितरणने शेतकर्‍यांवर मनमानी सुरू केली आहे. थकित वीज बिलापोटी कनेक्शन तोडणे, नवीन कनेक्शन देण्यासाठी खुदाईचा खर्च शेतकर्‍यांकडून घेणे अशी दडपशाही सुरू आहे. मुळात अतिवृष्टीमुळे शेतकरी आपली पीके गमावून बसला आहे.

पावसाळ्यात घरात असलेल्या मोटारीवर वीजबिल आकारणी करून भरमसाठ वीज बिले वाढवली आहेत. हे वीज बिल शासनाने माफ करण्याची आवश्यकता असताना वसुलीची सक्ती केली जात असल्याचे यावेळी स्पष्ट करण्यात आले.
उसाचा गळीत हंगाम सुरू होत आहे. प्रत्यक्षात ऊस दर हा साडेआठ

टक्के रिकव्हरी वर निघण्याऐवजी तो दहा टक्के रिकव्हरी वर जाहीर केला आहे. याचा अर्थ शेतकर्‍यांची जी टक्के रिकव्हरी शासनाने चोरी केली आहे. आज दहा टक्के रिकव्हरीला एकूण दोन हजार नऊशे रुपये एफआरपीला जाहीर झाला आहे. त्यामधून तोडणी वाहतुकीचा खर्च वजा जाता उर्वरित रक्कम शेतकर्‍यांना मिळत आहे.

महाराष्ट्र राज्य किसान सभेच्या वतीने साडेआठ टक्के रिकव्हरीला दोन हजार नऊशे रुपये एफआरपी द्यावा व ही एफआरपीची रक्कम एक रकमी देण्यात यावी, ज्या कारखान्याने मागील वर्षी एफआरपीप्रमाणे शेतकर्‍यांना अद्याप पैसे दिले नाहीत त्यांचे गाळप परवाने रद्द करण्यात यावे,

प्रामाणिक कर्जफेड करणार्‍या शेतकर्‍यांना 50 हजार रुपये मदत ताबडतोब द्यावी, अतिवृष्टीमुळे नुकसान झालेल्या शेतकर्‍यांना प्रतिगुंठा दीडशे प्रमाणे एकरी केवळ सहा हजार रुपये देण्याचा निर्णय शासनाने घेतला असून, ही शेतकर्‍यांची एकप्रकारे चेष्टा करण्यात आली आहे. 2019 साली नऊशे पन्नास रुपये प्रतिगुंठा मदत देण्यात आली होती.

नुकसान भरपाईची जाहीर केलेली रक्कम अत्यंत तुटपुंजी असून, याचा पुनर्विचार करुन एकरी चाळीस हजार प्रमाणे नुकसान भरपाई देण्याची मागणी महाराष्ट्र राज्य किसान सभा व भारतीय कम्युनिस्ट पक्षाच्या वतीने करण्यात आली आहे.

ताज्या बातम्या

नेवासा डेपोच्या वतीने पंढरपूर आषाढी वारीसाठी जादा गाड्यांची व्यवस्था-आगारव्यवस्थापक अहिरराव ;देवगड मठात होणाऱ्या सप्ताहासाठी ही सेवा देणार

माय महाराष्ट्र न्यूज:नेवासा डेपोच्या वतीने पंढरपूर आषाढी वारीसाठी जादा बस गाड्यांची व्यवस्था करण्यात आली असून पंढरपूरला देवगड मठात दि.४ जुलै ते ११ जुलै या...

राज्यात पुन्हा सत्ता येणार म्हणून भेंड्यात भाजपचा जल्लोष

भेंडा राज्यात भारतीय जनता पार्टीची पुन्हा सत्ता येणार म्हणून भेंडा येथे फटाके फोडून व पेढे वाटून भाजपने जल्लोष केला. यावेळी बोलताना जिल्हा परिषद सदस्य दत्तात्रय काळे...

जायकवाडी जलाशयातील तूट भरून काढणेसाठी उचित कार्यवाहीचे आदेश व्हावेत-तनपुरे

अहमदनगर/प्रतिनिधी शासनस्तरावर यासाठी एका अभ्यासगटाची नेमणुक होऊन मुंबईसाठी पाणी पुरवठा करणे आणि जायकवाडी जलाशयातील तूट भरून काढणे यासाठीच्या योजना तयार करण्याबाबत उचित कार्यवाहीचे आदेश व्हावेत...

समर्थ पाउलबुद्धेचा सत्कार

भेंडा नेवासा तालुक्यातील भेंडा येथील ज्ञानेश्वर साखर कारखान्याचे माजी कामगार संचालक व राष्ट्रवादी साखर कामगार सेलचे जिल्हाध्यक्ष रामभाऊ पाउलबुद्धे यांचे चिरंजीव व लोणीच्या सैनिकी स्कुलचा...

शिक्षण परिषेदेच्या माध्यमातून महाराष्ट्रात नदीकी पाठशाला,नदी साक्षरता कार्यक्रम राबवण्यात येईल-शिक्षण आयुक्त सुरज मांढरे

पुणे/प्रतिनिधी नदी साक्षरते बाबत अगदी बालवया पासून शालेय शिक्षणातून याचा अंतर्भाव केल्यास अत्यंत सकारात्मक परिणाम दिसेल.त्यासाठी राज्य शैक्षणिक संशोधन आणि प्रशिक्षण परिषदेच्या (SCERT) माध्यमातून महाराष्ट्रात...

नेवासा तहसीलदारांच्या बनावट सही-शिक्क्याचा वापर करून 16 लाखाचा अपहार

नेवासा तहसीलदारांचा बनावट शिक्का व खोट्या सहीचा वापर करून नैसर्गिक आपत्तीचे पैसे बेकायदेशीरपणे स्वतःच्या खात्यात वळवून अपहार केल्या प्रकरणी नेवासा तहसीलदारांच्या फिर्यादी वरून देडगावच्या कोतवाला विरुद्ध...
error: Content is protected !!