माय महाराष्ट्र न्यूज:औरंगाबादमध्ये एक ३५ वर्षीय व्यक्ती आपल्या बॅनरमुळे चर्चेत आला आहे. निवडणूक लढवण्यासाठी आपल्याला बायको हवी आहे, अशी जाहिरात करणारा बॅनर या व्यक्तीने
शहरातील मुख्य ठिकाणी लावला असून, हे बॅनर शहरात सध्या चर्चेचा विषय बनला आहे.रमेश पाटील नावाच्या ३५ वर्षे व्यक्तीने औरंगाबाद शहरातील गुलमंडी भागात एक बॅनर लावला आहे. ज्यावर, मला तीन मुले असल्याने मी निवडणूक लढवू शकत नाही.
त्यामुळे मला निवडणूक लढवण्यासाठी उमेदवार बायको पाहिजे आहे, असा बॅनर पाटील यांनी लावलं आहे. त्यांच्या या बॅनरची शहरात चर्चा असून, सोशल मीडियावर या बॅनरचे फोटो व्हायरल होत आहे.विशेष म्हणजे पाटील यांनी या जाहिरातसोबतच
काही अटी शर्ती सुद्धा ठेवल्या आहेत. ज्यात जातीची कोणतीही अट असणार नाही. वय वर्ष २५ ते ४० असावे,अविवाहित, विधवा, घटस्फोटीत सुद्धा चालेल. पण दोन मुलांपेक्षा आधीक अपत्य चालणार नाही.
औरंगाबाद मधील रमेश पाटील यांचं हे बॅनर सोशल मीडियावर मोठ्या प्रमाणात व्हायरल होत आहे. फेसबुक, इंस्टाग्राम वरील अनेक व्हायरल पेजवर या फोटोला शेअर केले जात आहे. तर यावर कमेंट करणाऱ्यांची संख्या सुध्दा मोठ्याप्रमाणात आहे.
