नेवासा
नेवासा शहरातील प्रतिष्ठीत व्यक्तीचा चेहरा वापरून अश्लिल व्हिडीओ बनवुन व्हायरल करुन नगरसेवकाची बदनामी करणाऱ्या आरोपीस नेवासा पोलीसांनी अटक केली आहे.
याबाबद अधिक माहिती अशी की, नेवासा शहरातील प्रतिष्ठीत नगरसेवक यांचा चेहरा वापरुन त्यास अश्लिल हावभाव करणारे व्हिडीओ तयार करुन ते व्हॉट्सअॅपद्वारे व्हायरल करुन फिर्यादीची बदनामी केली होती. सदर बाबत नेवासा पोलीस स्टेशन गुरनं 994/2021 माहीती तंत्रज्ञान अधिनियम 2000 चे कलम-67,66-C, 67-A सह भादवी 292 प्रमाणे गुन्हा रजिस्टरी दाखल करण्यात आलेला आहे.गुन्हा घडले पासुन आरोपी हा त्याचे अस्तित्व लपवुन फिरत होता.
आरोपीच्या वास्तव्याबाबत अपर पोलीस अधिक्षक यांचेकडील सायबर टीमच्या मदतीने तांत्रिक पुराव्या अनुषंगाने निष्पन्न आरोपी निखील रविकिरण पोतदार (वय 27 वर्षे) मु.रा.नांदेड ह.रा-सदाशिव पेठ पुणे यास फरासखाना पोलीस स्टेशन पुणे यांच्या मदतीने ताब्यात घेवुन नमुद गुन्ह्यात अटक करण्यात आली असुन आरोपीतास मा न्यायालयात हजर केले असता मा न्यायालयाने आरोपीतास दि.07 फेब्रुवारी 2022 पर्यंत पोलीस कोठडी रिमांड मंजुर केली आहे.
सदरची ही कामगीरी पोलीस अधिक्षक मनोज पाटील, अपर पोलीस अधिक्षक सौरभ अग्रवाल, अपर पोलीस अधिक्षक स्वाती भोर, श्रीरामपुर, उप विभागीय पोलीस अधिकारी सुदर्शन मुंढे , पोलीस निरीक्षक बाजीराव पोवार यांचे मार्गदर्शनाखाली सपोनि माणिक चौधरी, पोसई समाधान भाटेवाल, पोना अशोक कुदळे, पोकॉ अंबादास गिते, केवल रजपुत, यांचेसह अपर पोलीस अधिक्षक श्रीरामपुर यांचेकडील सायबर टीमचे पोना फुरकान शेख तसेच फरासखाना पोलीस स्टेशन पुणे येथील सफौ रिजवान जिनेडी, पोकॉ रुषिकेश दिघे यांनी केली आहे.