माय महाराष्ट्र न्यूज:शिर्डीवर दहशतवाद्यांची वक्रदृष्टी असल्याची धक्कादायक माहिती समोर आलीय. दुबईवरुन आलेल्या दहशतवाद्यांनी शिर्डीत रेकी केल्याची कबुली दिल्याने खळबळ माजलीय.
या दहशतवाद्यांचं पाकिस्तानातील दहशतवादी संघटनेशी संबंध असल्याचं गुजरात दहशतवादविरोधी पथकानं सांगितले.या घटनेनंतर शिर्डी शहरात खळबळ उडालीय. दुबई येथील अटक केलेले
अतिरेकी मौलाना शब्बीर पठाण, अयुब झबरावाला, मौलाना गनी उस्मानी यांनी हिंदी चॅनेलच्या संपादकांच्या शिर्डीतील घराची रेकी केली. या अतिरेक्यांकडं अवैध हत्यार, विस्फोटक पदार्थ मिळून आले आहेत.
या अतिरेक्यांचे पाकिस्तानस्थित आतंकवादी संघटनेशी संबंध असल्याचं गुजरात एटीएसनं म्हटलंय. याप्रकरणी अद्यापपर्यंत सहा मौलवींसह दोन अशा आठजणांना अटक करण्यात आली.
शिर्डी आंतरराष्ट्रीय संवेदनशील देवस्थान असल्यानं याआधीही साई मंदिराला धमकीचे निनावी पत्र, तसेच मेल आलेत. या दहशतवाद्यांनी शिर्डीचे मूळचे रहिवासी आणि सध्या दिल्लीत वास्तव्यास असणाऱ्या एका हिंदी चॅनेलच्या संपादकांच्या शिर्डीतील
घरी आणि दिल्लीतील कार्यालयाची रेकी केल्याची कबुली दिलीय. या दहशतवाद्यांकडून अवैध हत्यारं आणि स्फोटकं जप्त करण्यात आली आहेत.
