माय महाराष्ट्र न्यूज:चित्रपटाला लाजवेल अशा खुनाची घटना नाशिकमध्ये उघडकीस आली आहे. एका मिसिंगच्या तक्रारीवरून या खुनाचा गुन्हा उघडकीस आला आहे. मालमत्ता हडप करण्यासाठी
चक्क एका विद्यापीठाच्या माजी कुलसचिवाची आणि त्यांच्या उच्चशिक्षित मुलाची हत्या करण्यात आली.पोलिसांनी दिलेल्या माहितीनुसार, वडील नानासाहेब कापडणीस यशवंतराव चव्हाण मुक्त विद्यापीठाचे माजी कुलसचिव होते. तर मुलगा
अमित कापडणीस एमबीबीएस पदवीधारक होता. त्यांच्या नावावर कोट्यवधी रुपयांची मालमत्ता आहे आणि यासाठीच दोघांचा खून करण्यात आला. धक्कादायक म्हणजे, आरोपी राहुल जगताप याची अवघ्या महिनाभरापूर्वीच ओळख झाली होती.
कोट्यवधी रुपयांची मालमत्ता हडपण्यासाठी साधारण आठवडा भराच्या अंतरावर राहुल जगताप याने खून केले होते. विशेष म्हणजे, मृतदेहाची विल्हेवाट लावण्यासाठी दोन्हीही मृतदेह वेगेवेगळ्या जिल्ह्यात फेकून दिले होते. नानासाहेब कापडणीस
यांचा पालघर जिल्ह्यात तर मुलाचा मृतदेह नगर जिल्ह्यात फेकून दिला होता.मयत यांचे नातेवाईक म्हणजेच आई आणि बहीण हे अमेरिकेत राहतात. ते वर्षानुवर्षे येणार नाहीत त्यामुळे सगळ काही हडप करत स्वतः नानासाहेब कापडणीस आहे .
म्हणून राहुल जगताप याने सुरुवात केली होती. मात्र मुंबईतच राहत असलेले आई आणि बहीण यांनी वडिलांना आणि मुलाला कॉल केले मात्र संपर्क न झाल्याने नाशिकमध्ये येऊन बघितले होते. मात्र संपर्क न झाल्याने ते पोलिसांना न कळविताच निघून गेले होते.
नंतर मात्र महिना उलटून गेला काहीच संपर्क होत नसल्याने पोलिसांत बेपत्ता झाल्याची तक्रार दिली. पोलिसांनी तपासाला सुरुवात केली. दोन जिल्ह्यात फेकून दिलेल्या मृतदेहासह टेक्निकल गुन्ह्याची उकल केली.
फक्त आणि फक्त मयतांचे झालेले व्यवहार हाच धागा धरून नाशिक पोलिसांनी ही कामगिरी केली आहे.
