माय महाराष्ट्र न्यूज: अहमदनगर जिल्ह्यातील शेवगाव येथे एक खळबळजनक घटना समोर आली आहे.रस्त्यावरून जाणार्‍या दोन अल्पवयीन मुलींना (वय 10 वर्षे व 13 वर्षे) कारमधून पळवून घेऊन जात
बांधकाम सुरू असलेल्या एका इमारतीवर डांबून ठेवल्याप्रकरणी एकावर शेवगाव पोलीस ठाण्यात गुन्हा दाखल करण्यात आला आहे
कार्तीक राजेंद्र काळे ( 20, रा. आयशानगर, शेवगाव) असे गुन्हा दाखल झालेल्या संशयिताचे नाव आहे. अपहरणाची घटना मंगळवार (दि.16) सायंकाळी सव्वा सात वाजण्याच्या सुमारास शेवगाव-नेवासा रोडवर घडली.
या घटनेने शेवगाव शहरासह तालुक्यात एकच खळबळ उडाली. अपहरण झालेल्या मुलींच्या नातेवाईकांनीच मुलींची सुटका केली असून आरोपीला पोलिसांनी अटक केली आहे. मुलीच्या आईने
दिलेल्या फिर्यादीवरून कार्तिक राजेंद्र काळे याच्याविरुद्ध अपहरणाचा गुन्हा दाखल केला आहे.पोलिसांनी आरोपीला अटक केली असून या दोन्ही मुलींचे आरोपीने अपहरण कशासाठी केले, याचा शोध
पोलीस घेत आहेत. घटनेचा पुढील तपास पोलीस उपनिरीक्षक शेळके करत आहेत.
