माय महाराष्ट्र न्यूज:जगभरातले अब्जावधी नागरिक व्हॉट्सअ‍ॅपचा वापर करतात. आतापर्यंत या लोकप्रिय सोशल मीडिया प्लॅटफॉर्मच्या काही चांगल्या आणि वाईट गोष्टी समोर आल्या आहेत.
व्हॉट्सअ‍ॅप फॉरवर्ड्सचे अनेक वाईट पैलू निदर्शनास आले आहेत, त्यामुळे अ‍ॅपद्वारे चुकीची माहिती आणि खोट्या बातम्यांचा प्रसार मर्यादित करण्यासाठी कंपनीने कठोर उपाययोजना लागू केल्या आहेत.WABetainfoच्या अहवालानुसार,
व्हॉट्सअ‍ॅप हा इन्स्टंट मेसेजिंग प्लॅटफॉर्म आता सर्व मेसेजेसच्या फॉरवर्डिंगवर आणखी मर्यादा घालू इच्छित आहे. हाती आलेल्या रिपोर्टनुसार, हे नवीन फीचर व्हॉट्सअ‍ॅप बीटाच्या v2.22.7.2 अँड्रॉइड व्हर्जनमध्ये (Android Version) दिलं जाणार आहे.
जेव्हा व्हॉट्सअ‍ॅप युझर्सना एकापेक्षा जास्त ग्रुपवर व्हायरल फॉरवर्डेड मेसेज पाठवायचा असेल तेव्हा त्यांना स्क्रीनवर ‘फॉरवर्डेड मेसेज कॅन बी सेंट टू ओन्ली वन ग्रुप’ असा मजकूर दिसत असल्याचं संबंधित रिपोर्टमध्ये दिलेल्या स्क्रीनशॉटमध्ये दिसत आहे.
सध्या व्हॉट्सअ‍ॅप युझर्स एक व्हायरल फॉरवर्ड मेसेज फक्त एका चॅटवर शेअर करू शकतात. त्यानंतर त्यांना इतरांकडून फॉरवर्ड केलेल्या मेसेजची मर्यादा आणि वारंवारता याबद्दल अलर्ट केलं जाईल.
सोशल मीडिया इकोसिस्टीममध्ये व्हायरल होण्यासाठी डिझाइन केलेल्या विशिष्ट मेसेजेसचा रीच मर्यादित करण्यासाठी व्हॉट्सअ‍ॅप सर्वतोपरी प्रयत्न करत असल्याचं या बदलातून निदर्शनास येत आहे.
मेसेज फॉरवर्डिंगची प्रक्रिया अधिक कंटाळवाणी करण्याच्या प्रयत्नात व्हॉट्सअ‍ॅप असल्याची शक्यता आहे.
