माय महाराष्ट्र न्यूज:गोपीचंद पडळकर हे शरद पवार यांच्यासह राष्ट्रवादीचे नेते व पवार कुटुंबावर जोरदार टीका करत असतात. पडळकर यांनी शुक्रवारी माध्यमांशी बोलताना शरद पवार यांच्यावर निशाणा साधला होता.
‘देवेंद्र फडणवीस असे दहा-वीस शरद पवार खिशात घालून फिरतात’, असं वक्तव्य पडळकर यांनी केलं आहे. राज्य महिला आयोगाच्या अध्यक्षा रुपाली चाकणकर यांनीही पडळकरांना प्रत्युत्तर दिलंय.
पडळकरांचं वक्तव्य म्हणजे विकृत मनोवृत्तीचं लक्षण असल्याची टीका चाकणकरांनी केलीय.चाकणकरांचं पडळकरांना प्रत्युत्तर दोन वर्षांपूर्वी महाविकास आघाडी सरकार स्थापन झालं आणि हे सरकार अतिशय उत्तमरित्या काम करत आहे.
कोरोनासारख्या महामारीत राज्याच्या पालकत्वाची जबाबदारी कशी निभवावी हे महाविकास आघाडी सरकारनं दाखवून दिलंय. महाराष्ट्र आणि जनतेची काळजी घेत असताना महाविकास आघाडीसोबत राज्यातील जनताही उभी राहिली.
विरोधकांना आता हे सहन होत नाही. त्यांच्याकडे टीका करण्यासाठी विषय नाहीत. कोणतेही पुरावे हातात नसताना केवळ महाविकालस आघाडी सरकारवर टीका करायची आणि जनतेमध्ये संभ्रम निर्माण करायचा, हा एककलमी कार्यक्रम मागील दोन वर्षांपासून सुरु आहे.
एवढ्या खालच्या पातळीवर जाऊन ते टीका करत आहेत, याचा अर्थ हे त्यांच्या मानसिक नैराश्याचं प्रतिक आहे. त्यांना किती नैराश्य आलेलं आहे, हे त्यांच्या सततच्या वक्तव्यातून दिसून येतं’, अशा शब्दात रुपाली चाकणकर यांनी पडळकरांना प्रत्युत्तर दिलं.
