माय महाराष्ट्र न्यूज:आज सोमवारी नगर जिल्ह्यातून जेजुरीला देवदर्शनासाठी जात असताना छोटा हत्तीचा अपघात झाल्याची घटना संगमनेर तालुक्यातील पुणे-नाशिक राष्ट्रीय महामार्गावरील माळवाडी
शिवारात सोमवार पहाटे सव्वातीन वाजेच्या सुमारास घडली. या अपघातात एक ठार तर सहा जण गंभीर जखमी झाले आहे.याबाबत माहिती अशी की वैभव योगेश गिरी चालक (वय 25), आकाश दत्ता खोडे (वय 21), पुजा दत्तात्रय खोडे (वय 23),
प्रिया शरद आंबेकर (वय 23), चेतन गणेश शिंदे (वय 10), ताराबाई दत्तात्रय खोडे (वय 35), जनाबाई पुंडलिक खोडे (वय 65) हे सर्वजण नाशिक मधील पंचवटी येथील राहणारे आहेत. हे सर्व जण नाशिक येथून छोटा हत्तीतून जेजुरीला देवदर्शनासाठी पुणे-नाशिक
राष्ट्रीय महामार्गाने जात होते.सोमवारी पहाटे बोटा शिवारातील माळवाडी येथे आले असता त्याच दरम्यान त्यांच्या छोटा हत्तीचा अपघात झाला. अपघात झाल्याची माहिती समजताच आजूबाजूच्या नागरिकांनी घटनास्थळी धाव
घेतली आणि या सर्व जखमींना टेम्पोतून बाहेर काढले. त्यानंतर औषधोपचारासाठी खासगी हॉस्पीटल मध्ये उपचारार्थ दाखल केले. मात्र औषध उपचारा दरम्यान जनाबाई पुंडलिक खोडे यांचा मृत्यू झाला
आहे तर वरील सहा जण गंभीर जखमी झाले आहे. दरम्यान या अपघातात छोटा हत्तीचे मोठे नुकसान झाले आहे.
