माय महाराष्ट्र न्यूज:मंत्री नवाब मलिक यांना अटक झाल्यापासून त्यांच्या राजीनाम्याची मागणी भाजपकडून होत आहे. दरम्यान आज (दि. १७) राष्ट्रवादी काँग्रेसची या मुद्द्यावरून बैठक पार पडली. पक्षाचे अध्यक्ष शरद पवार यांच्या
सिल्वर ओक या निवासस्थानी घेण्यात आलेल्या बैठकीत मोठे निर्णय घेण्यात आले.दरम्यान, मुंबई राष्ट्रवादी काँग्रेस अध्यक्ष पदाचा अतिरिक्त कार्यभार राखी जाधव यांच्याकडे देण्यात येणार असून मलिकांकडे जी पालकमंत्रीपद आहेत तीही काढून
घेण्यात येणार आहे. नवाब मलिक सध्या गोंदिया आणि परभणीचे पालकमंत्री आहेत. त्यांचा कार्यभार दुसऱ्या मंत्र्यांकडे दिला जाणार आहे. धनंजय मुंडे यांच्याकडे परभणी तर प्राजक्त तनपुरे यांच्याकडे गोंदियाचा
कार्यभार दिला जाणार आहे, अशी माहिती राष्ट्रवादी प्रदेशाध्यक्ष जयंत पाटील यांनी दिली आहे.राष्ट्रवादी काँग्रेस पक्षाचे सर्वेसर्वा शरद पवार यांच्या निवासस्थानी पक्षाचे राज्यातील मंत्री आणि प्रमुख नेत्यांची
सिल्वर ओकवर बैठक झाली. या बैठकीस उपमुख्यमंत्री अजित पवार, प्रदेशाध्यक्ष तथा जलसंपदा मंत्री जयंत पाटील, गृहमंत्री दिलीप वळसे पाटील, अन्न व नागरी पुरवठा मंत्री छगन भुजबळ, सामाजिक न्यायमंत्री धनंजय मुंडे,
खासदार प्रफुल पटेल, खासदार सुप्रिया सुळे आदी महत्वाचे नेते उपस्थित होते. त्यात मलिकांकडील मुंबईचे अध्यक्षपद आणि पालकमंत्रीपदाबाबत चर्चा झाली.याच बैठकीत नवाब मलिक यांच्याकडे असलेल्या पालकमंत्रिपदाबाबतही चर्चा झाली.
मलिक सध्या गोंदिया आणि परभणी जिल्ह्याचे पालकमंत्री आहेत. त्यांचा कार्यभार दुसऱ्या मंत्र्यांकडे दिला जाण्याची शक्यता आहे. यामध्ये सामाजिक न्यायमंत्री धनंजय मुंडे यांच्याकडे परभणीची,
तर ऊर्जा राज्यमंत्री प्राजक्त तनपुरे यांच्याकडे गोंदियाचा कार्यभार दिला जाण्याची शक्यता सूत्रांनी वर्तविली आहे.
