माय महाराष्ट्र न्यूज:रेल्वे प्रवाशांसाठी एक महत्त्वाची बातमी आहे. आता इंडियन रेल्वे कॅटरिंग अँड टुरिझम कॉर्पोरेशनने तिकीट बुकिंग करण्यासंदर्भातील नियम बदलले आहेत. नवीन नियमांनुसार आता तुम्ही
एका महिन्यात पूर्वीपेक्षा जास्त तिकिटे बुक करू शकता. तुम्ही तुमचे आधार कार्ड आयआरसीटीसीशी लिंक करून लाभ मिळवू शकता. जाणून घेऊया आयआरसीटीसीच्या नवीन नियमाबद्दल. वास्तविक, आतापर्यंत आयआरसीटीसी खात्यातून
एका महिन्यात जास्तीत जास्त 6 ऑनलाइन तिकिटे बुक केली जाऊ शकत होती. परंतु आता तुमच्या आयआरसीटीसी खात्याशी आधार लिंक करून एका महिन्यात 6 ऐवजी 12 तिकिटे बुक करता येतील. आयआरसीटीसी खात्याशी आधार लिंक करणे सोपे आहे.
यासाठी प्रथम IRCTC च्या अधिकृत ई-तिकीटिंग वेबसाइट irctc.co.in वर जा. – आता यूजर आयडी आणि पासवर्ड टाकून लॉग इन करा. – आता होम पेजवर दिसणार्‍या ‘माय अकाउंट सेक्शन’ वर जाऊन
आधार केवायसी’ वर क्लिक करा. – यानंतर, पुढील पृष्ठावर तुमचा आधार क्रमांक प्रविष्ट करा आणि ‘ओटीपी पाठवा’ वर क्लिक करा. – आता तुमच्या आधार कार्डसोबत नोंदणीकृत मोबाईल नंबरवर OTP येईल.
हा OTP टाका आणि पडताळणी करा. – आधारशी संबंधित माहिती पाहिल्यानंतर खाली लिहिलेल्या ‘Verify’ वर क्लिक करा. – यानंतर तुमच्या मोबाईलवर एक संदेश येईल की KYC तपशील यशस्वीरित्या अपडेट झाला आहे.
