माय महाराष्ट्र न्यूज:पंतप्रधान नरेंद्र मोदी यांच्या हत्येचा कट उघड झाला आहे. ईमेलचा तपास एनआयएकडे देण्यात आला आहे. गुप्तचर सूत्रांच्या हवाल्याने पंतप्रधान मोदींना जीवे मारण्याची
धमकी दिल्याचे एक विचित्र प्रकरण समोर आले आहे. राष्ट्रीय तपास संस्थेला (एनआयए) धमकीचे ई-मेल मिळाले आहेत.या कटाचा पर्दाफाश होऊ नये, म्हणून आपण आत्महत्या करत असल्याचे
ई-मेलरने म्हटले आहे. पंतप्रधान मोदींना मारायला तयार आहेत. त्यांच्याकडे 20 स्लीपर सेल आहेत. एकूण 20 किलो आरडीएक्स आहे.या मेलनुसार हल्ल्याची योजना तयार करण्यात आली आहे.
मेलमध्ये असे म्हटले आहे की, ज्या व्यक्तीने हा मेल लिहिला आहे त्याचे अनेक दहशतवाद्यांशी (terrorists) संबंध आहेत. नॅशनल इन्व्हेस्टिगेशन एजन्सीनेही गुप्तचर आणि सुरक्षा यंत्रणांना
धमकीचे ई-मेल पाठवले आहेत. ज्या मेल आयडीवरून हा मेल आला त्याची चौकशी सुरू आहे. हा ईमेल राष्ट्रीय तपास यंत्रणेच्या मुंबई शाखेकडे आला आहे.पंतप्रधान मोदींच्या हत्येचा कट उघड
झाल्यानंतर सुरक्षा दलांना सतर्क करण्यात आले आहे. ई-मेल पाठवणाऱ्याचा शोध घेतला जात आहे.मोदींना मारण्यासाठी 20 स्लीपर सेल तयार असल्याचा उल्लेख मेल मध्ये असून त्यांना मारण्यासाठी 20 किलो
आरडीएक्स तयार असल्याचे म्हणले आहे. धमकी देणाऱ्याने त्यांचे दहशतवाद्यांशी संबंध असल्याचा दावा केला आहे. जुन महिण्यात केरळमधील गुरूवायूर मंदिरामध्ये पाचशे रूपयांच्या नोटावर मोदींना धमकीचा
एक संदेश मिळाला होता. मोदींनी 8 जून रोजी केरळमधील गुरूवायूर मंदिराला भेट दिली होती. भेटीपूर्वी एक दिवस आधी 7 जून रोजी हा धमकीचा संदेश मिळाला होता. मोदींना धमकी मिळाल्या
पासून स्पेशल प्रोटेक्शन ग्रुपने गंभीरतेने घेत सुरक्षा संस्थेला माहिती दिली होती.
