माय महाराष्ट्र न्यूज:कोरोनाच्या एक्सई या नव्या उपविषाणूची चर्चा सुरू असतानाच केंद्र सरकार सतर्क झालं आहे. केंद्र सरकारने शुक्रवारी महाराष्ट्रासह देशातील पाच राज्यांना पत्र पाठवलं असून, सतर्क
राहण्याचे आदेश दिले आहेत. केंद्रीय आरोग्य मंत्री राजेश भूषण यांनी महाराष्ट्रासह पाच राज्यातील नव्याने वाढत असलेल्या रुग्णसंख्येबद्दल चिंता व्यक्त केली आहे.
केंद्रीय आरोग्य सचिव राजेश भूषण यांनी महाराष्ट्र, दिल्ली, हरयाणा, केरळ आणि मिझोराम या राज्यांना पत्र पाठवलं आहे. पत्रात वाढत्या रुग्णसंख्येबद्दल चिंता व्यक्त करताना भूषण यांनी
म्हटलं आहे की, कोरोनाच्या नव्याने वाढत्या रुग्णसंख्येवर नजर ठेवली जावी. त्याचबरोबर गरज निर्माण झाल्यास आवश्यक उपाययोजना करण्यात याव्यात.केंद्र सरकारने १८ वर्षांवरील वयोगटातील
सर्वांसाठी बुस्टर डोस घेण्यास परवानगी दिली असून, केंद्रीय सचिव राजेश भूषण शनिवारी सकाळ १०.३० वाजता बुस्टर डोज संदर्भात एक बैठकही घेणार आहेत.
केंद्र सरकारने अखेर १८ वर्षांवरील सर्व नागरिकांना बुस्टर डोज देण्यास परवानगी दिली आहे. बुस्टर डोज सर्व खासगी केंद्रावर उपलब्ध असणार आहे. तर सरकारी केंद्रावरून सुरू असलेल्या लसीकरण केंद्रामध्ये
आरोग्य कर्मचारी, फ्रंटलाईन वर्कर्स आणि ६० वर्षांपुढील नागरिकांसाठी बुस्टर डोज देण्याची सुविधा सुरू राहणार आहे.केंद्रीय आरोग्य मंत्रालयाने दिलेल्या माहितीप्रमाणे १८ वर्षांपुढील सर्व नागरिक
खासगी लसीकरण केंद्रावर जाऊन बुस्टर डोज घेऊ शकणार आहेत. १८ वर्षांपुढील व्यक्ती ज्यांनी दुसरा डोज घेतला आहे आणि त्याला ९ महिने पुर्ण झाले आहेत अशा व्यक्ती बुस्टर डोज घेऊ शकणार आहेत.
