माय महाराष्ट्र न्यूज:हेल्मेट घातले की आपण निर्धास्तपणे दुचाकी वाहन चालवू शकू आणि आपल्याला कोणत्याही नियमाची अडचण येणार नाही
असे तुम्हाला वाटत असल्यास तुम्ही सावध होण्याची आवश्यकता आहे. नवीन वाहतूक नियमांनुसार, तुम्ही हेल्मेट घातलं असलं तरी 2000 रुपयांचं चलन कापलं जाऊ शकतं. हे कसे होऊ शकते, याबद्दल
आपण जाणून घेऊयात. वास्तविक मोटार वाहन कायद्यानुसार, जर तुम्ही मोटारसायकल, स्कूटर चालवताना हेल्मेट घातले नसेल, तर नियम 194D MVA नुसार तुम्हाला 1000 रुपयांचा दंड आणि तुम्ही
सदोष हेल्मेट (BIS शिवाय) घातल्यास 194D MVA नुसार तुम्हाला 1000 रुपयांचा दंड होऊ शकतो. अशा परिस्थितीत हेल्मेट घातल्यानंतरही नवीन नियम न पाळल्याबद्दल तुम्हाला 2000 रुपयांच्या
चलनाला सामोरे जावे लागू शकते. तुम्हाला रहदारीच्या नियमांबद्दल माहिती देऊन जागरूक करण्‍याचा आमचा उद्देश आहे. जेणेकरून रस्त्यावरील अपघातांनाही आळा बसेल.याशिवाय, नवीन
मोटार वाहन कायद्यानुसार, वाहन ओव्हरलोड केल्यास तुम्हाला 20,000 रुपयांचा मोठा दंड भरावा लागू शकतो. याशिवाय, असे केल्यास 2000 रुपये प्रति टन अतिरिक्त दंडही भरावा लागणार आहे. याआधीही
अनेक हजारांची चलन कापल्याची प्रकरणे समोर आली आहेत.https://echallan.parivahan.gov.in या वेबसाइटवर जा. चेक चलन स्टेटस हा पर्याय निवडा. तुम्हाला चलन क्रमांक, वाहन
क्रमांक आणि ड्रायव्हिंग लायसन्स क्रमांक (DL) चा पर्याय मिळेल. वाहन क्रमांकाचा पर्याय निवडा. विचारलेली आवश्यक माहिती भरा आणि ‘Get Detail’ वर क्लिक करा. आता चलन स्थिती दिसेल.
https://echallan.parivahan.gov.in/ वर जा. चलानशी संबंधित आवश्यक तपशील आणि कॅप्चा भरा आणि तपशील मिळवा वर क्लिक करा. एक नवीन पेज उघडेल,
ज्यावर चलानचे तपशील दिले जातील. तुम्हाला भरायचे असलेले चलान शोधा. चलानसोबतच ऑनलाइन पेमेंटचा पर्याय दिसेल, त्यावर क्लिक करा. पेमेंट संबंधित माहिती भरा. पेमेंटची पुष्टी करा. यानंतर तुमचे चलान ऑनलाइन भरलेले असेल.
आता लोकांना ड्रायव्हिंग शिकवण्याचा एक नवीन मार्ग सापडला आहे. नागपूरच्या तिन्ही आरटीओमध्ये ड्रायव्हिंग लायसन्स काढणाऱ्यांसाठी व्हर्च्युअल सरावाची व्यवस्था करण्यात आली आहे.
याबाबत परिवहन अधिकाऱ्यांचे म्हणणे आहे की, ही यंत्रणा विशेषत: अशा लोकांसाठी आहे ज्यांचे वाहन चालविण्याचे कौशल्य फारसे चांगले नाही. नागपूर, सीटी, पूर्व आणि ग्रामीण
या तीन आरटीओंना या प्रणालीला प्रत्येकी दोन सिम्युलेटर देण्यात आले आहेत. जेणेकरून ड्रायव्हिंग लायसन्स मिळवणाऱ्या अर्जदारांना
कोणतीही अडचण येऊ नये. यामुळे आता ड्रायव्हिंग लायसन्स मिळवणे तुलनेने सोपे झाले आहे.
