श्रीरामपूर/प्रतिनिधी
श्रीरामपूर शहरात विक्री करण्याचे उद्देशाने 8 गावठी कट्टे व 10 जिवंत काडतुस बेकायदशिररित्या कब्जात बाळगणा-या तीन आरोपींची टोळी जेरबंद स्थानिक गुन्हे शाखेने जेरबंद केली आहे.
याबाबद अधिक माहिती अशी की,विशेष पोलीस महानिरीक्षक (कायदा व सुव्यवस्था) मिलींद भारंबे यांनी दि. १६/०६/२२ ते ३०/०६/२२ या कालावधी दरम्यान अवैध अग्नीशस्त्रे व हत्यारे बाबद विशेष मोहिमेचे आयोजन करुन कारवाई करणे बाबत आदेश दिले होते. नमुद आदेशानुसार साहेब, विशेष पोलीस महानिरीक्षक,नाशिक परीक्षेत्र श्री. बी. जी. शेखर पाटील व
पोलीस अधिक्षक, अहमदनगर श्री. मनोज पाटील यांनी स्थानिक गुन्हे शाखेचे पोलिस निरीक्षक श्री. अनिल कटके यांना जिल्ह्यात अवैध अग्नीशस्त्रे व हत्यारे बाबत जास्तीत जास्त कारवाई करणे बाबत सुचना देवुन मार्गदर्शन केले.
या सुचना व मार्गदर्शना प्रमाणे पोलिस निरीक्षक श्री. अनिल कटके हे अहमदनगर जिल्ह्यातील अवैध अग्नीशस्त्र व हत्यारे याबाबत माहिती घेत असतांना श्री. कटके यांना गुप्त खबऱ्याकडून माहिती मिळाली कि, दाढी वाढलेले तीन इसम हे गावठी कट्टे व जिवंत काडतसे विक्री करण्यासाठी हॉटेल राधिकाचे पार्किंग जवळ, ता. श्रीरामपूर येणार आहे. आता लागलीच गेल्यास मिळून येईल अशी खात्रीशीर माहिती मिळाल्याने श्री. कटके यांनी स्थानिक गुन्हे शाखेच्या पथकातील अधिकारी व अंमलदार यांना मिळालेल्या बातमीनुसार खात्री करुन कारवाई करण्याबाबत आदेश दिले.
त्या प्रमाणे स्थानिक गुन्हे शाखेच्या पथकातील सपोनि सोमनाथ दिवटे, सफौ. राजेंद्र बाघ, सफौ संजय खंडागळे, पोहेकॉ बापुसाहेब फोलाणे, देवेंद्र शेलार, पोना भिमराज खर्से, शंकर चौधरी, सुरेश माळी, रवि सोनटक्के, पोकॉ मयुर गायकवाड, सागर ससाणे व चालक पोहेकॉ चंद्रकांत कुसळकर अशांनी मिळून मिळालेल्या बातमीचे ठिकाणी हॉटेल राधिकाचे पार्किंग जवळ, श्रीरामपूर, ता. श्रीरामपूर येथे जावून सापळा लावला. त्यानंतर थोड्याच वेळात हॉटेल राधिकाचे गाड्यांचे पार्किंगकडे दाढी वाढलेले तीन इसम आजुबाजूला संशयीतरित्या टेहळणी करत पायी येतांना दिसले. पोलीस पथकाची खात्री झाल्याने पथकातील अधिकारी व अंमलदार यांनी संशयीत इसमांना घेराव घालून ताब्यात घेण्णाचे तयारीत असतांना संशयीत इसमांना पोलीस पथकाची चाहुल लागताच ते पळुन जावु लागले. पथकातील अधिकारी व अंमलदार यांनी संशयीतांचा पाठलाग करुन शिताफीने ताब्यात घेतले.
ताब्यात घेतलेल्या संशयीत तीनही इसमांना त्याचे नाव पत्ता विचारले असता त्यांनी त्यांची नावे अशी राहुलसिंग फत्तुसिंग कलानी (वय २५ वर्षे), आकाशसिंग बादलसिंग जुनी (वय २२ वर्षे) , अक्षयसिंग तिलकसिंग कलानी (वय २२ वर्षे) सर्व रा. श्रीरामपुर बाजारतळ, गुरुगोविंदसिंग नगर, वॉर्ड नं. ३, ता. श्रीरामपुर असे असल्याचे सांगीतले. त्याची अंगझडती घेतली असता त्याचे अंगझडतीमध्ये आठ (8) गावठी बनावटी कड्डे, वहा (10) जिवंत काडतूसे व सॅक असे एकूण 2 लाख 45 हजार 100 रु. किं.चा मुद्देमाल मिळून आल्याने ते जप्त करण्यात आला.
नमुद तीन इसम हे श्रीरामपूर शहरात आठ (8) व वहा (10) जिवंत काडतूसे विक्री करण्याचे उद्देशाने बेकायदेशिरित्या कब्जात बाळगताना मिळून आल्याने सदर बाबत सफौ राजेंद्र देवमन वाघ नेमनुक स्थानिक गुन्हे शाखा, अहमदनगर यांनी श्रीरामपूर शहर पोलीस स्टेशन येथे दिलेल्या फिर्यादीवरुन आर्म अॅक्ट कलम 3/25, 7 प्रमाणे गुन्हा दाखल करण्यात आलेला आहे. पुढील कार्यवाही श्रीरामपूर शहर पोलीस स्टेशन करीत आहे.
सदर कारवाई पोलीस अधीक्षक श्री. मनोज पाटील,अपर पोलीस अधीक्षक, श्रीरामपूर श्रीमती. स्वाती भोर, उपविभागीय पोलीस अधिकारी, श्रीरामपूर विभाग श्री.संदीप मिटके
यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.
