माय महाराष्ट्र न्यूज:शिवसेनेचे नेते आणि कॅबिनेट मंत्री एकनाथ शिंदे यांनी शिवसेनेचे आमदार फोडून मोठा राजकीय संघर्ष निर्माण केला आहे.
३३ आमदारांना घेऊन एकनाथ शिंदे यांनी मोठ्या बंदोबस्तामध्ये मध्यरात्रीच गुवाहाटीला दाखल झाले आहे. विशेष म्हणजे, आतापर्यंत पडद्याआड असलेला भाजप आता समोर आला आहे.
एकनाथ शिंदे आपल्यासह ३३ आमदारांना घेऊन सुरतमध्ये दाखल झाले होते. पण सुरत हे मुंबईपासून जवळ असल्यामुळे मध्यरात्रीच गुवाहाटीला
जाण्याचा प्लॅन रचला त्यानुसार मध्यरात्रीच सुरतमध्ये असलेल्या बंडखोर आमदारांना गुवाहाटीला नेण्यात आलं आहे. आमदारांपर्यंत कोणी पोहोचू नये यासाठी त्यांना सुरतहून
आसामच्या गुवाहाटीमध्ये एअरलिफ्ट करण्यात आले आहे. यावेळी एकनाथ शिंदे यांच्यासोबत भाजपचे आमदार रवींद्र चव्हाण आणि मोहित भारतीय सुद्धा सोबत होते. रवींद्र चव्हाण आणि मोहित
भारतीय हे बंडखोर आमदारांसह गुवाहाटीला गेले होते. यावेळी माध्यमांशी बोलत असताना आपण आता शिवसेनाप्रमुख बाळासाहेब ठाकरे आणि आनंद दिघे यांचं हिंदुत्व सोडलं नाही.
हेच हिंदुत्व घेऊन राजकारण करणार, असं म्हणत एकनाथ शिंदे यांनी नवीन इनिंग सुरू करण्याचे संकेत दिले आहे.गुवाहाटीमध्ये एकनाथ शिंदे यांच्यासह सर्व आमदार यांची जबाबदारी
संजय कुटे, मोहित खंबोज, डोंबिवली आमदार चव्हाण यांच्याकडे दिली आहे.या तीन लोकांवर सर्व समन्वय आणि सोबत राहण्याच्या सूचना केल्या आहेत. भाजपचे नेते देवेंद्र फडणवीस
यांनी खास या तीन लोकांवर जबाबदारी दिली आहे.ऑपरेशन लोटस याची चर्चा रंगली आहे. कंबोज, कुटे आणि चव्हाण हे फडणवीस यांच्या जवळचे मानले जातात. त्यामुळे शिंदे यांच्यासह
इतर आमदार फडणवीस समवेत थेट संपर्कात असल्याची माहिती सूत्रांनी दिली आहे.आज पहाटे सर्व आमदार हे गुवहाटीला पोहोचले आहे. गुवाहाटीमधील रेडिसन ब्लु या हॉटेलमध्ये
या आमदारांना ठेवण्यात आले आहे. या हॉेटेलबाहेर मोठा सुरक्षा बंदोबस्त वाढविण्यात आला आहे.
