नवी दिल्ली
केंद्र सरकारने बुधवारी 2023-24 हंगामासाठी उसाच्या रास्त आणि फायदेशीर भावात (FRP) प्रति क्विंटल 10 रुपये वाढवून 315 रुपये प्रति क्विंटल केल्याची माहिती
केंद्रीय माहिती आणि प्रसारण मंत्री अनुराग ठाकूर यांनी दिली.
श्री.ठाकूर पुढे म्हणाले, या निर्णयामुळे 5 कोटी ऊस उत्पादक शेतकऱ्यांना फायदा होणार आहे. केंद्र सरकारच्या या निर्णयानंतर शेतकऱ्यांमध्ये आनंदाची लाट पसरली आहे. या निर्णयामुळे देशातील कोटयवधी शेतकऱ्यांना फायदा होणार आहे. विशेषतः उत्तर प्रदेश आणि महाराष्ट्रातील शेतकऱ्यांना याचा सर्वाधिक फायदा होणार आहे.
खरीप पिकांच्या एमएसपीमध्ये वाढ केल्यानंतर मोदी सरकारने एफआरपी वाढवून ऊस उत्पादक शेतकऱ्यांनाही मोठी भेट दिली आहे. पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळाच्या बैठकीत उसाच्या रास्त आणि किफायतशीर भाव निश्चित करण्याचा निर्णय सरकारने घेतला. पुढील हंगामात वाढ करण्याचा निर्णय घेतला आहे. मंत्रिमंडळ समितीच्या आर्थिक व्यवहार समितीने 2023-24 च्या हंगामासाठी उसाच्या एफआरपीमध्ये 10 रुपये प्रति क्विंटल वाढ जाहीर केली आहे. उसाची नवीन एफआरपी आता 315 रुपये प्रति क्विंटल आहे.