Wednesday, August 17, 2022

आठ दिवसांनंतर सरकार घेणार मोठा निर्णय;पुन्हा कठोर निर्बंध?

IMG-20210928-WA0001
okk
previous arrow
next arrow
IMG-20210928-WA0001
okk
previous arrow
next arrow
Shadow

माय महाराष्ट्र न्यूज :राज्यात कोविड निर्बंधांबाबत नवे धोरण अवलंबण्यात आल्यानंतर करोना पॉझिटिव्हिटी रेट ५ टक्केपर्यंत असलेल्या अनेक जिल्ह्यांना मोठा दिलासा मिळाला आहे. मात्र, निर्बंध शिथील झाल्यानंतर काही भागांत रुग्णसंख्या वाढत असल्याचे लक्षात घेत राज्य सरकारने पुन्हा एकदा कठोर पावले टाकण्याचे संकेत दिले आहेत.

याबाबत राज्याचे मदत आणि पुनर्वसन मंत्री विजय वडेट्टीवार यांनी आज पुणे येथे बोलताना अत्यंत महत्त्वाचे विधान केले.राज्यातील निर्बंधांबाबत विचारले असता विजय वडेट्टीवार यांनी सध्याच्या स्थितीवर बोट ठेवले. ‘कालची आकडेवारी पाहता रुग्ण बरे होण्याचे प्रमाण कमी आणि नवीन रुग्णांची संख्या अधिक होती. तरीही आजच यावर ठोस असे भाष्य करता येणार नाही.

पुढचे आठ दिवस या परिस्थितीत काय बदल होतात ते पाहावे लागेल. सध्या काही जिल्ह्यांमध्ये रुग्णसंख्या हळूहळू वाढत असल्याचे दिसत आहे. आपण सवलती व काही प्रमाणात सूट दिल्यानंतरचा हा बदल आहे. अशीच रुग्णसंख्या वाढत राहिली तर मात्र एकंदर स्थितीचा आढावा घेऊन अनेक निर्बंध नव्याने लावावे लागतील’, असे वडेट्टीवार म्हणाले. पुढच्या आठ दिवसांनंतर याबाबत पुढचे पाऊल उचलण्यात येईल, असेही त्यांनी स्पष्ट केले.

राज्यातील जिल्हे आणि प्रमुख महानगरं यांची यात वेगवेगळी वर्गवारी करण्यात आलेली आहे. यानुसार पाच टक्केपर्यंत करोना पॉझिटिव्हिटी रेट असलेल्या अनेक जिल्ह्यांना मोठा दिलासा मिळाला आहे. या जिल्ह्यांतील बहुतांश व्यवहार सुरू झाले आहेत. मात्र, निर्बंधांमधील ही शिथीलता गर्दीला आमंत्रण देणारी ठरल्याचे पाहायला मिळत असून त्यातून रुग्णसंख्या

थोड्याफार प्रमाणात वाढत असल्याचे दिसत आहेत. त्यामुळेच राज्य सरकारची चिंता वाढली असून निर्बंधांबाबत नव्याने विचार सुरू करण्यात आल्याचेच वडेट्टीवार यांच्या विधानावरून दिसत आहे.

ताज्या बातम्या

error: Content is protected !!