Wednesday, August 17, 2022

अण्णा हजारे यांनी त्यांच्या वाढदिवसानिमित्त तरुणांना दिला हा संदेश

IMG-20210928-WA0001
okk
previous arrow
next arrow
IMG-20210928-WA0001
okk
previous arrow
next arrow
Shadow

माय महाराष्ट्र न्यूज:अण्णा हजारे यांच्या ८४ व्या वाढदिवसानिमित्त राळेगणसिद्धी परिवाराने ‘अभिवादन सायकल रॅली’ आयोजित केली होती. या रॅलीमध्ये देशभरातून विविध ठिकाणच्या साडेबारा हजार सायकलस्वारांनी सहभाग घेतला.तब्बल अडीचलाख किलोमीटर एवढे अंतर सायकल चालवून हजारे यांना शुभेच्छा दिल्या.

हजारे यांचे देशभर चाहते व कार्यकर्ते असल्याने त्यांच्या वाढदिवसाच्या निमित्ताने अनोखी भेट देण्यात आली. आपण आहोत त्या ठिकाणी सायकल चालवावी व त्याची माहिती ऑनलाइन पद्दतीने राळेगणसिद्धीच्या कार्यालयात द्यावी, असे आवाहन करण्यात आले होते. त्याला देशभरातून प्रतिसाद मिळाला.

वडापाव, मिसळ, पावभाजी, बर्गर, पिज्जा यासारखे हानीकारक फास्टफूड टाळा. तसेच पर्यावरण आणि शरारीला पूरक ठरणारीच सायकल चालवा,’ असा संदेश ज्येष्ठ समाजसेवक अण्णा हजारे यांनी तरुणांना दिला.राळेगण येथूनही सायकल रॅली काढण्यात आली होती. त्यावेळी हजारे यांनी सायकलस्वारांना शुभेच्छा देत सल्लाही दिला.

हजारे म्हणाले, ‘सायकल रॅली ही पर्यावरणाच्या दृष्टीने अत्यंत चांगला उपक्रम आहे. यात पेट्रोल, डिझेल, रॉकेल, कोळसा यांचा वापर होत नसल्याने पर्यावरणाच्या संवर्धनाच्या दृष्टीने अत्यंत सुंदर उपक्रम असून यात व्यायाम पण होतो. त्यामुळे शरीर चांगले व निरोगी राहण्यास मदत होते.

अशा उपक्रमांना माझा कायम पाठिंबा असेल.’सायकल रॅली पारनेरला पोहचल्यानंतर तहसिलदार ज्योती देवरे यांनी सर्वांचे स्वागत केले.

ताज्या बातम्या

error: Content is protected !!