नेवासा/प्रतिनिधी
नेवासा तालुक्यातील सोनई येथील मुळा पब्लिक स्कूल परिसरात शुक्रवार दि.२९ मे सकाळी ९.३० वाजता माजी मंत्री शंकरराव गडाख यांचे प्रमुख उपस्थित शेतकरी मेळाव्याचे आयोजन करण्यात आल्याची माहिती माजी मंत्री शंकरराव गडाख पाटील मित्र मंडळाच्या वतीने देण्यात आली आहे.
या शेतकरी मेळाव्यासाठी परिसरातील शेतकरी, नागरिक, कार्यकर्ते आणि विविध क्षेत्रातील मान्यवर मोठ्या संख्येने उपस्थित राहणार आहेत.
माजी मंत्री शंकरराव गडाख यांनी मृद व जलसंधारण क्षेत्रात काम करताना विविध विकास कामांवर भर दिला असून, ग्रामीण भागातील शेती आणि पाणी व्यवस्थापन मजबूत करण्यासाठी त्यांनी सातत्याने प्रयत्न केले आहेत. या कार्यक्रमामुळे परिसरातील शेतकरी आणि नागरिकांमध्ये उत्साहाचे वातावरण निर्माण झाले आहे. कार्यक्रमाच्या पार्श्वभूमीवर आयोजन समिती आणि कार्यकर्त्यांकडून तयारीला वेग देण्यात आला असून, कार्यक्रमस्थळी विविध सुविधा उपलब्ध करून देण्यात येत आहेत. तरी या मेळाव्यासाठी परिसरातील शेतकरी, युवक, महिला तसेच नागरिकांना मोठ्या संख्येने उपस्थित राहण्याचे आवाहन माजी मंत्री शंकरराव गडाख पाटील मित्र मंडळाच्या वतीने करण्यात आले आहे.