माय महाराष्ट्र न्यूज:महसूलमंत्री राधाकृष्ण विखे पाटील यांच्या शिर्डी मतदारसंघातील राहाता शहरात शिवजयंती निमित्त छत्रपती शिवाजी महाराजांच्या पुतळ्याला अभिवादन करण्यासाठी
भाजपचे विवेक कोल्हे पोहोचले होते. मात्र, त्यांना विखे पाटील समर्थकांकडून विरोध करण्यात आला असून कोल्हे आणि विखे समर्थक आमने सामने आल्यानंतर जोरदार घोषणाबाजी करण्यात आली.
या प्रकरणात पोलिसांनी मध्यस्थी करून कार्यकर्त्यांना शांत केले.सोमवारी छत्रपती शिवाजी महाराज यांची जयंती सर्वत्र उत्साहात साजरी होत असताना राहाता शहरातील शिव स्मारकावर
छत्रपती शिवरायांना अभिवादन करण्यासाठी विवेक कोल्हे त्या ठिकाणी आले होते. यावेळी त्यांना शिवरायांच्या स्मारकावर पुष्पहार अर्पण करण्यासाठी क्रेनची मदत हवी असताना त्यांना पालिका
कर्मचाऱ्यांकडून ती मिळाली नसल्याचे आरोप कोल्हेंनी केला आहे. अभिवादन करून निघत असताना विखे समर्थक माजी नगराध्यक्ष कैलास सदाफळ आणि त्यांचे सहकारी तेथे पोहोचले आणि तुम्ही इथे का
आले? असं म्हणत विवेक कोल्हेंना विचारणा केली. यावेळी कोल्हे आणि विखे समर्थक आमने सामने आल्याने जोरदार घोषणाबाजी झाली.ज्या राजाने कसा प्रशासन करावं, कसा राज्य कारभार बघावा, याचं उत्तम
उदाहरण जागा समोर ठेवलेला आहे. त्या राजाला आपण अभिवादन करण्यासाठी येत असतो आणि वर्ष भराच्या कामासाठी प्रेरणा घेत असतो याचं ठिकाणी छत्रपती शिवाजी महाराज आणि वीरभद्र महाराजांचे
आशीर्वाद घेऊन अनेक प्रकल्प हाती घेतले आणि तडीस नेले. श्रद्धा असल्यामुळं आम्ही याठिकाणी अभिवादन करण्यासाठी आलो. परंतु इथ आल्यावर कळालं लाईट ही घालवली.अन् पालिकेच्या क्रेन वाल्यालाही
ऑपरेट करू नको म्हणून सूचना केल्या, असं विवेक कोल्हे म्हणाले.पालिका खासगी संस्था नाही आणि शिवाजी महाराजांचा पुतळा खाजगी मालमत्ता नाही. अनेक वर्ष महाराजांचा पुतळा गोडावून मध्ये कोणी बंद करुन ठेवला होता.
महाराजांना रयतेसाठी संघर्ष करावा लागला होता तीच प्रेरणा घेऊन आम्हीही संघर्ष करू,अशा प्रकारे विरोध करून दहशतीचं उडालेलं झाकण पुन्हा लावण्याचा प्रयत्न सुरू आहे, परंतु हे सर्व महाराजांचे
युवा मावळे आहेत.हे जुलमी कारभाराविरोधात आवाज उठवणारच अशी प्रतिक्रीया भाजपच्या विवेक कोल्हेंनी दिली.