माय महाराष्ट्र न्यूज:मारहाणीत एकाचा मृत्यू झाल्याची घटना नगरमध्ये घडली. कचरू दत्तू कांबळे (वय 45 रा. रामवाडी, नगर) असे मृताचे नाव आहे.
काल सकाळी दोघांनी कांबळे यांना त्यांच्या घरी येऊन सोबत नेले. त्यांना मारहाण करून सायंकाळी घरी आणून सोडून दिले. मारहाणीत कांबळे यांना जबर मार लागला. तसेच वेळेत उपचार न मिळाल्याने त्यांचा मृत्यू झाला.
नातेवाईकांनी मृत झालेल्या कांबळे यांचा मृतदेह आज सकाळी तोफखाना पोलीस ठाण्यात आणला होता. पोलिसांनी सदर मृतदेह शवविच्छेदनासाठी जिल्हा शासकीय रुग्णालयात पाठविला आहे.
खुन्यांचा शोध सुरू :
खुनाचा गुन्हा दाखल करून, तोफखाना पोलीस पुढील तपास करीत आहेत. दरम्यान, कांबळे यांना कोणत्या कारणातून मारहाण झाली, मारहाण करणाऱ्या व्यक्ती कोण याबाबत तपास सुरू केला आहे
