नेवासा/प्रतिनिधी
सोशल मीडियामध्ये पोलिसांच्या बदनामी प्रकरणी सराईत गुन्हेगार माऊली तोडमल रा. नेवासा बुद्रुक, तालुका नेवासा याच्यावर पोलीस ठाणे नेवासा येथे गुन्हा नोंद करण्यात आलेला आहे.
“नेवासा तालुक्यात पोलीस गुंडा ससाने हप्ते वसुलीत एक नंबर अनाधिकृत वसुली कृत्यामुळे प्रवरासंगम कार्यक्षेत्रात व्यावसायिक त्रस्त अँटीकरप्शन होण्याची लवकर शक्यता” अशा आशयाचा मजकूर व्हाट्सअप तसेच फेसबुक सोशल मीडियात पोस्ट करून पोलिसांची बदनामी केली.
अशा आशयाची सोशल मीडिया पोस्ट केल्यामुळे पोलिसांना त्यांच्या नातेवाईकांचे फोन कॉल्स आले त्यामुळे पोलिसांच्या मनामध्ये मान सन्मान, स्वाभिमान दुखावलेची भावना निर्माण झाली. याबाबतची फिर्याद पोलीस उपनिरीक्षक शैलेंद्र ससाने यांनी पोलीस ठाणे नेवासा येथे दाखल केलेली आहे. वास्तविक पहाता माऊली तोडमल यांच्याकडे अशी माहिती होती तर त्यांना अनेक संविधानिक मार्ग उपलब्ध होते पण त्यांनी तसे न करता सोशल मीडियात पोलिसांची बदनामी केली.
माऊली तोडमल हा पोलिसांच्या अभिलेखावरील सराईत गुन्हेगार आहे. माऊली तोडमलवर हाईगाईने जीव घेणे, गैरकायद्याची मंडळी जमवणे, दंगा, दरोडा, आत्महत्येचा प्रयत्न करणे, शासकीय अधिकाऱ्यांचे हुकुम मोडणे या सारखे संभाजीनगर व अहमदनगर जिल्ह्यात गुन्हे दाखल आहेत.
दि. 3/06/2024 रोजी स्वतःवर देशी कट्ट्यामधून हल्ला झाला म्हणून माऊली तोडमल यांनी पोलीस ठाणे नेवासा येथे फिर्याद दाखल केली होती. सदर गुन्ह्याच्या तपासा दरम्यान संशयित आरोपी व फिर्यादी माऊली तोडमल यांचेच हँडवॉश पोलिसांनी घेऊन तपासणीसाठी पाठवले होते. याचा राग मनात धरून मागील काही दिवसापासून पोलिसांच्या विरोधात जनतेमध्ये अ-पप्रचार करणे, पोलिसांची बदनामी होईल अशा प्रकारची वक्तव्य करणे व प्रत्यक्ष अ-प्रत्यक्षरीत्या लात लुचपत प्रतिबंधक विभागाची भीती घालने या सारखे वर्तन करीत आहे.
सराईत गुन्हेगार माऊली तोडमल याने वरील आशयाची पोस्ट सोशल मीडियात करून बदनामी केल्याने पोलिसांनी सदरचे प्रकरण वरिष्ठ अधिकाऱ्यांच्या कानावर घातल्यानंतर गांभीर्याने घेऊन सदरचा गुन्हा दाखल करण्यात आलेला आहे. सदर गुन्ह्याच्या तपासामध्ये सदरची बाब नेवासा पोलीस मा. न्यायालयास कळवून पुढील तपास करणार आहेत.
माऊली तोडमल याच्या विरोधात दाखल केलेल्या गुन्ह्याचा तपास पोलीस निरीक्षक धनंजय जाधव स्वतः करणार आहेत.
*पोलिसांची नाहक बदनामी खपवून घेतली जाणार नाही…
जनतेच्या मनामध्ये विश्वास निर्माण करण्याचा नेवासा पोलीस प्रामाणिक आणि कसोशीने प्रयत्न करीत आहे. त्यामुळे पोलिसांची नाहक बदनामी कोणत्याही परिस्थितीत खपवून घेतली जाणार नाही असे पोलीस निरीक्षक धनंजय जाधव यांनी ठणकावून सांगत माऊली तोडमल विरोधात नागरिकांच्या काही तक्रारी असतील तर त्या फोनद्वारे किंवा प्रत्यक्ष भेटून कळविण्याचे आवाहन पोलीस निरीक्षक धनंजय जाधव यांनी केले आहे.