Wednesday, February 21, 2024

माका येथे मंकावती देवी यात्रोत्साहाचे आयोजन

WhatsApp Image 2023-02-28 at 6.34.18 PM
WhatsApp Image 2023-02-28 at 6.34.18 PM
previous arrow
next arrow
Shadow

नेवासा

नेवासा तालुक्यातील माका येथील जागृत ग्रामदैवत मंकावती देवीचा यात्रा उत्सव आज गुरुवार दि.२५ जानेवारी पासून मोठ्या उत्साहात साजरा होत आहे.

यात्रे निमित्त गुरूवारी सकाळी ९ वाजता प्रवरासंगम येथून आणलेल्या गंगा जलाची गावामधुन सवाद्य मिरवणूक काढून त्या गंगाजलाने देवीला अभिषेक होणार आहे. त्यानंतर प्रत्येक घराघरातून देवीला पुरणपोळी व साडीचोळीचा नैवद्य वाजत-गाजत अर्पण केला जाईल.
रात्री ८ वाजता देवीचा छबिना (पालखी) मिरवणूक काढण्यात येनार आहे .छबिण्या समोर फटाके व शोभेची दारूची आतषबाजी करण्यात येते. त्यावेळी परिसरातील नागरिक व महिलांची प्रचंड गर्दी होते. संध्याकाळी ९ ते १२ वाजेपर्यंत सविता राणी पुणेकर यांचा लोकनाट्याचा कार्यक्रम होणार आहे.
दुसऱ्या दिवशी शुक्रवार दि.२६ रोजी सकाळी गावातील हनुमान मंदिरासमोर सविता राणी पुणेकर व नामवंत कलाकारांचा हजेरीचा कार्यक्रम संपन्न होणार आहे. दुपारी २ वाजता राज्यातील नामवंत पैलवानांचा जंगी हंगामा होणार आहे.
यात्रा उत्सवामुळे मंदिरावर आकर्षक रोषणाई करण्यात आली आहे .तरी परिसरातील नागरिकांनी या यात्रेचा आनंद घ्यावा अशी विनंती जगदंबा देवी ट्रस्ट व यात्रा समितीच्या वतीने कळविण्यात येत आहे.

- Advertisment -

Most Popular

error: Content is protected !!