Monday, May 27, 2024

महेशश्वरानंद महाराजांच्या पोटावर तरारले तपश्चर्याचे धन

IMG-20240425-WA0005
IMG-20240425-WA0005
previous arrow
next arrow
Shadow

नेवासा/सुखदेव फुलारी

नेवासा तालुक्यातील सिध्देश्वर देवस्थानच्या बालयोगी परहंस महेशश्वरानंद यांनी विश्वशांतीसाठी पोटावर घटस्थापना करून दहा दिवसीय अनुष्ठान व तपश्चर्या सूरु केलेली असून त्यांनी पोटावर स्थापन केलेल्या घटाचे धन तरारुन आले आहे.

नेवासा तलुक्यातील प्रवरासंगम येथे
मुळा व प्रवरा नदीचा संगमावर असलेल्या सिध्देश्वर देवस्थानच्या भूमीत २३ वर्षीय बालयोगी महेशश्वरानंद महाराज यांनी विश्वशांतीसाठी अनुष्ठानाची तपश्चर्या सूरु केली आहे. १० दिवस अन्नपाणी आणि नैसर्गिक विधीचा त्याग करून त्यांनी दुर्गामातेच्या मूर्तीसमोर निद्रितावस्थेत दि.१० फेब्रूवारी रोजी पोटावर घटस्थापना केली आहे.सिध्देश्वर मंदिराचे मठाधिपती १००८ बालब्रह्मचारी महाराजांनी देह ठेवल्यानंतर रिक्त जागेवर बालयोगी महेशश्वरानंद महाराज संस्थानचे काम पाहत आहेत. हरियाणा येथील कालिदास महाराज यांचे शिष्य असलेल्या बालयोगी यांनी मागील वर्षी श्रीरामपूर येथे नवरात्र सोहळ्यात पोटावर घटस्थापना करून अनुष्ठान केले होते. निद्रितावस्थेत झोपून पोटावर ताट ठेऊन त्या ताटात माती व धान्य टाकून आणि त्या मातीवर मडक्याचा जल कलश ठेऊन घट स्थापना करण्यात आलेली आहे.अन्न-पाणी व सर्व नैसर्गिक विधीचा त्याग करुन एकाच आसनामध्ये १० दिवस राहुन ही तपस्या सूरु आहे.

शुक्रवार दि.१६ रोजी घट स्थापनेच्या सातव्या दिवशी घटाचे मातीत सुमारे ६ इंच उंचीचे धन तरतरुन उतरल्याचे दिसून आले.रविवारी दि. १८ रोजी रस्ते विकास महामंडळाचे कार्यकारी संचालक अनिलकुमार गायकवाड परिवाराच्या वतीने ५ हजार महिलांना साडी-चोळी देऊन सन्मानित करण्यात येणार आहे. येथे आतापर्यंत आलेल्या भाविकांना ४० हजार रुद्राक्ष वाटप करण्यात आले.
सोमवारी दि. १९ रोजी या अनुष्ठानाची सांगता होणार आहे.

- Advertisment -

Most Popular

error: Content is protected !!