माय महाराष्ट्र न्यूज:काँग्रेसचे प्रदेशाध्यक्ष नाना पटोले यांनी झोटिंग समितीच्या अहवालावर प्रतिक्रिया करताना मोठं विधान केलं आहे. देवेद्र फडणवीसांनी बहुजन नेत्यांचं खच्चीकरण केलं आहे. हे सर्वांना माहीत आहे. खडसेंचंही राजकीय नुकसान करण्याचा प्रयत्न झाला, असं सांगतानाच तत्कालीन फडणवीस सरकारमधील अनेक चिठ्ठे बाहेर आले तर
फडणवीस आणि तत्कालीन अनेक मंत्री अडचणीत येतीलअसा गौप्यस्फोट नाना पटोले यांनी केला आहे. त्यामुळे एकच खळबळ उडाली आहे.नाना पटोले यांनी मीडियाशी संवाद साधताना हा दावा केला आहे. राष्ट्रवादीचे नेते एकनाथ खडसे यांची चौकशी करणाऱ्या झोटिंग समितीचा अहवाल गहाळ झाल्यानंतर पुन्हा सापडला आहे.
त्यावरही त्यांनी भाष्य केलं. देवेद्र फडणवीसांनी बहुजन नेत्यांचं खच्चीकरण केलं आहे. हे सर्वांना माहीत आहे. खडसेंचं राजकीय नुकसान करण्याचा प्रयत्न झाला. फडणवीस सरकारमधील अनेक चिठ्ठे बाहेर आले तर फडणवीस आणि तत्कालीन अनेक मंत्री अडचणीत येतील, असं सांगतानाच झोटिंग समितीचा अहवाल वाचला नाही.
तो पुढे येईल तेव्हा त्यातील फार्स कळून येईल, असं पटोले म्हणाले.माझ्यावर भाजपवर हल्ला करण्याची जबाबदारी दिली आहे. शिवसेना किंवा राष्ट्रवादीवर टीका करण्याची जबाबदारी देण्यात आलेली नाही. मी तसे करणारही नाही. कारण राष्ट्रवादी आणि शिवसेना आमचे मित्र पक्ष आहेत. त्यामुळेच मी पंतप्रधान नरेंद्र मोदी आणि त्यांच्या धोरणांवर थेट हल्ला करत असतो, असं पटोले यांनी एका प्रश्नाचं उत्तर देताना स्पष्ट केलं.
तर राष्ट्रवादीचे सर्वेसर्वा शरद पवार यांना राष्ट्रपतीपदाचे उमेदवार करण्याच्या हालचाली सुरू आहेत. त्यावरही त्यांनी प्रतिक्रिया व्यक्त केली. आम्हाला आनंद होईल. महाराष्ट्रातील नेता राष्ट्रपती होत असेल तर आनंदच होईल. पण राष्ट्रपतीपदासाठी केंद्रीय पातळीवर काही प्रक्रिया सुरू झाली असेल तर मला त्याबाबत माहीत नाही, असंही त्यांनी स्पष्ट केलं.
