Sunday, July 3, 2022

आजपासून नवे नियम! दैनंदिन व्यवहारात होणार ‘हे’ बदल, जाणून घ्या

IMG-20210928-WA0001
WhatsApp Image 2022-04-23 at 12.19.16 PM
okk
previous arrow
next arrow
IMG-20210928-WA0001
WhatsApp Image 2022-04-23 at 12.19.16 PM
okk
previous arrow
next arrow
Shadow

माय महाराष्ट्र न्यूज:महागाईमुळं सर्वसामान्य हैराण झाले आहेत. अशातच आज, 1 नोव्हेंबरपासून देशात अनेक मोठे बदल होत आहेत. या बदलांचा परिणाम सर्वसामान्यांच्या खिशाला चाप बसण्यासोबतच आयुष्यावरही परिणाम होणार आहे.

आजपासून बँकेत पैसे जमा करण्यापासून ते बँकेतून पैसे काढण्यासाठीही काही पैसे मोजावे लागणार आहेत. तसेच रेल्वे टाइम-टेबलमध्येही बदल करण्यात आले आहेत. तर गँस सिलेंडर बुकिंग, व्हॉट्सअॅपमध्येही बदल होणार आहेत.

आजपासून बँकिंगच्या अनेक नियमांमध्ये बदल होणार आहेत. आता कोणत्याही खातेधारकाला बँकेत पैसे जमा करण्यासाठी आणि बँकेतून पैसे काढण्यासाठी काही शुल्क आकारण्यात येणार आहे. या बदलाची सुरुवात बँक ऑफ बडोदानं केली आहे.

BOB नं दिलेल्या माहितीनुसार, पुढच्या नोव्हेंबरपर्यंत निर्धारित मर्यादेहून अधिक बँकेतून पैसे काढले किंवा भरले तर वेगळं शुल्क आकारण्यात येणार आहे. याव्यतिरिक्त 1 नोव्हेंबरपासून ग्राहकांना कर्ज खात्यासाठी (लोन खातं) 150 रुपये भरावे लागणार आहेत.

नव्या नियमांनुसार, सेविंग अकाउंटमध्ये तीन वेळा पैसे भरणं मोफत असणार आहे. परंतु, जर अकाउंट होल्डरनं एका महिन्याच्या आत तीनपेक्षा जास्त वेळा पैसे काढले तर मात्र त्यांना 40 रुपयांचं अतिरिक्त शुल्क आकारलं जाईल. दरम्यान, हा नियम

जनधन खातेधारकांसाठी लागू असणार नाही. त्यांनी तीन पेक्षा जास्त वेळा बँकेत पैसे भरण्यासाठी कोणतंही इतर शुल्क भरावं लागणार नाही, तर पैसे काढण्यासाठी 100 रुपये द्यावे लागतील.

ऐन दिवाळीच्या तोंडावर एलपीजी सिलिंडरच्या किंमतीमध्ये वाढ झाली आहे. आधीच कोरोना संकट आणि इंधन दरवाढीमुळे हैराण असलेल्या नागरिकांच्या अडचणीत वाढ झाली आहे. एक नोव्हेंबर रोजी कमर्शिअल सिलिंडरच्या दरात तब्बल 266 रुपयांनी वाढ करण्यात आली आहे.

दिवाळीच्या तोंडावर झालेल्या या वाढीमुळे महागाईचा भडका उडण्याची शक्यता आहे. राजधानी दिल्लीमध्ये 19 किलो वजनाच्या कमर्शिअल सिलिंडरची किंमत दोन हजार रुपयांच्या पुढे गेला आहे. दिलासादायक बाब म्हणजे, घरगुती वापरासाठीच्या 14.2 किलो

विनाअनुदानित एलपीजी सिलिंडरच्या किंमतीत कोणतीही वाढ झालेली नाही. विनाअनुदानित एलपीजी सिलिंडरची किंमत 899.50 रुपयांवर कायम आहे. गेल्या महिन्यात तेल कंपन्यांनी सबसिडी फ्री 14.2 किलोच्या सिलेंडरची किंमत 15 रुपयांनी वाढवली होती.

आजपासून भारतीय रेल्वे च्या वेळापत्रकात बदल होणार आहे. यापूर्वी टाइम टेबल 1 ऑक्टोबरपासून बदलणार होतं. परंतु, काहीतरी कारणास्तव ही तारिख पुढे ढकलण्यात आली असून 1 नोव्हेंबर करण्यात आली. पुढच्या महिन्याच्या सुरुवातीपासून ट्रेनचं नवं टाईम-टेबल लागू करण्यात आलं होतं.

मिळालेल्या माहितीनुसार, नव्या वेळापत्रकानुसा, 13 हजार पॅसेंजर ट्रेन आणि 7 हजार मालगाड्यांचा समावेश करण्यात आला आहे. याव्यतिरिक्त देशात चालणाऱ्या जवळपास 30 राजधानी ट्रेन्सचं वेळापत्रक बदलणार आहे.

गॅस सिलेंडरच्या बुकिंगसाठी आता योग्य पत्ता आणि फोन क्रमांक अत्यंत आवश्यक असणार आहे. नव्या नियमांनुसार, गॅस बुकिंगनंतर ग्राहकांना त्यांच्या रजिस्टर मोबाईल नंबरवर OTP पाठवण्यात येणार आहे. OTP शिवाय गॅस सिलेंडरचं बुकिंग करणं अशक्य असणार आहे. तसेच सिलेंडर घरपोच करणाऱ्या डिलिव्हरी

बॉयला OTP सांगितल्यानंतरच ग्राहक सिलेंडर घेऊ शकणार आहेत. दरम्यान, नव्या सिलेंडर डिलिव्हरी पॉलिसी अंतर्गत चुकीचा पत्ता आणि मोबाईल नंबर देणाऱ्या ग्राहकांच्या अडचणी वाढू शकतात. त्यामुळे कंपन्यांनी यापूर्वीच सर्व ग्राहकांना आपलं नाव, पत्ता आणि मोबाईल नंबर अपडेट करण्याचा सल्ला दिला आहे.

1 नोव्हेंबरपासून काही फोन्समध्ये व्हॉट्सअॅप चालणार नाही. याचं सर्वात मोठं कारण आहे की, 1 नोव्हेंबर 2021 पासून व्हॉट्सॅप केवळ त्याच स्मार्टफोन्समध्ये चालणार आहे, ज्यामध्ये Android 4.1, iOS 10, KaiOS 2.5.0 काम करणार आहे. व्हॉट्सॅपकडून देण्यात आलेल्या माहितीनुसार, आता 4.0.3 Ice Cream Sandwich, iOS 9 आणि KaiOS 2.5.0 वर व्हॉट्सअॅप सपोर्ट मिळणार नाही.

ताज्या बातम्या

नेवासा डेपोच्या वतीने पंढरपूर आषाढी वारीसाठी जादा गाड्यांची व्यवस्था-आगारव्यवस्थापक अहिरराव ;देवगड मठात होणाऱ्या सप्ताहासाठी ही सेवा देणार

माय महाराष्ट्र न्यूज:नेवासा डेपोच्या वतीने पंढरपूर आषाढी वारीसाठी जादा बस गाड्यांची व्यवस्था करण्यात आली असून पंढरपूरला देवगड मठात दि.४ जुलै ते ११ जुलै या...

राज्यात पुन्हा सत्ता येणार म्हणून भेंड्यात भाजपचा जल्लोष

भेंडा राज्यात भारतीय जनता पार्टीची पुन्हा सत्ता येणार म्हणून भेंडा येथे फटाके फोडून व पेढे वाटून भाजपने जल्लोष केला. यावेळी बोलताना जिल्हा परिषद सदस्य दत्तात्रय काळे...

जायकवाडी जलाशयातील तूट भरून काढणेसाठी उचित कार्यवाहीचे आदेश व्हावेत-तनपुरे

अहमदनगर/प्रतिनिधी शासनस्तरावर यासाठी एका अभ्यासगटाची नेमणुक होऊन मुंबईसाठी पाणी पुरवठा करणे आणि जायकवाडी जलाशयातील तूट भरून काढणे यासाठीच्या योजना तयार करण्याबाबत उचित कार्यवाहीचे आदेश व्हावेत...

समर्थ पाउलबुद्धेचा सत्कार

भेंडा नेवासा तालुक्यातील भेंडा येथील ज्ञानेश्वर साखर कारखान्याचे माजी कामगार संचालक व राष्ट्रवादी साखर कामगार सेलचे जिल्हाध्यक्ष रामभाऊ पाउलबुद्धे यांचे चिरंजीव व लोणीच्या सैनिकी स्कुलचा...

शिक्षण परिषेदेच्या माध्यमातून महाराष्ट्रात नदीकी पाठशाला,नदी साक्षरता कार्यक्रम राबवण्यात येईल-शिक्षण आयुक्त सुरज मांढरे

पुणे/प्रतिनिधी नदी साक्षरते बाबत अगदी बालवया पासून शालेय शिक्षणातून याचा अंतर्भाव केल्यास अत्यंत सकारात्मक परिणाम दिसेल.त्यासाठी राज्य शैक्षणिक संशोधन आणि प्रशिक्षण परिषदेच्या (SCERT) माध्यमातून महाराष्ट्रात...

नेवासा तहसीलदारांच्या बनावट सही-शिक्क्याचा वापर करून 16 लाखाचा अपहार

नेवासा तहसीलदारांचा बनावट शिक्का व खोट्या सहीचा वापर करून नैसर्गिक आपत्तीचे पैसे बेकायदेशीरपणे स्वतःच्या खात्यात वळवून अपहार केल्या प्रकरणी नेवासा तहसीलदारांच्या फिर्यादी वरून देडगावच्या कोतवाला विरुद्ध...
error: Content is protected !!