माय महाराष्ट्र न्यूज: अहमदनगर जिल्ह्यातील श्रीरामपूर तालुक्यातील बेलापूर येथे गेल्या महिन्यात गॅसच्या स्फोटात मायलेकींचा मृत्यू झाल्याची घटना घडली होती. मात्र, हा गॅसचा स्फोट
नसून धनाच्या लालसेपोटी भोंदूबाबाला हाताशी धरून काही मंडळींनी केलेला पूर्वनियोजित कट असल्याचा आरोप मयत ज्योती शेलार यांच्या राहुरी येथील माहेरच्या नन्नवरे कुटुंबियांनी केला आहे.
जिल्हा पोलीस अधीक्षक मनोज पाटील व पोलीस उपअधीक्षक संदीप मिटके यांना दिलेल्या निवेदनात राहुरी येथील राजेंद्र नन्नवरे यांनी म्हटले, दि.2 जानेवारी रोजी अमावस्येच्या रात्री मयत नमोश्री शेलार या चिमुरडीला धनाच्या
ठिकाणी दर्शनासाठी भोंदूबाबाच्या समवेत नेण्यात आले. येताना भोंदूबाबाने मयत ज्योती शेलार यांच्या घरच्यांना काहीतरी चॉकलेटी कापडात वस्तू बांधून दिली. बांधलेली वस्तू कपाटात तिजोरीच्या कप्प्यात
ठेवून दिली. त्यानंतर एकजण दारुच्या नशेत घरी आला. त्याने बळजबरीने संपत आलेली गॅस टाकी बदलून नवीन गॅस टाकी शेगडीला जोडली. दि.6 जानेवारी रोजी सकाळी घरामध्ये मोठा स्फोट घडवून आला.
या घटनेत नन्नवरे यांची बहीण ज्योती व भाची नमोश्री शेलार या गंभीर जखमी झाल्या. दरम्यान, त्यांच्या उपचारासाठी भावनिक आवाहन करून सुमारे 4 लाख रुपये आर्थिक मदत गोळा करून ती स्वतःच्या खिशात घातल्याचा आरोप नन्नवरे कुटुंबियांनी केला आहे.
