माय महाराष्ट्र न्यूज:देशातील काही राज्यांमध्ये कोरोना रुग्णसंख्येत पुन्हा वाढ झाल्याने एक भीतीचे वातावरण पाहायला मिळत आहे. दिल्ली, हरियाणा आणि गुजरात या राज्यांत
मागील एक आठवड्यात कोरोना रुग्णसंख्येत सरासरी वाढ झाली आहे. तर दुसरीकडे देशातील अनेक राज्यांमध्ये कोरोनाच्या रुग्णसंख्येत घट पाहायला मिळत आहे. ही संख्या मागील दोन वर्षातील सर्वात कमी आहे.
गेल्या 24 तासांत देशात 1054 कोरोनाच्या नवीन रुग्णांची नोंद झाली आहे. तर 29 बाधितांचा मृत्यू झाला आहे.दिल्लीत शनिवारी कोरोनाच्या 160 रुग्णांची नोंद झाली तर पॉझिटिव्हीटी दर
1.55 टक्के इतका झाला आहे. एकही रुग्णाचा मृत्यू झाला नाही, ही दिलासादायक बाब आहे. दिल्लीत रुग्णसंख्या वाढताना पाहायला मिळत आहेत. इथे शुक्रवारी 146 रुग्णांची नोंद झाली होती.
तर पॉझिटिव्हीटी दर हा 1.39 इतका होता.गुजरातमध्ये शनिवारी कोरोनाच्या 34 नवीन रुग्णांची नोंद करण्यात आली. ही मागील तीन आठवड्यातील सर्वात जास्त रुग्णसंख्या आहे.
गुरुवारी तर फक्त 8 रुग्णांची नोंद करण्यात आली होती. शनिवारी ही संख्या वाढली. 13 मार्चनंतर सर्वात जास्त रुग्ण शनिवारीच आढळले. हरियाणात गेल्या दहा दिवसांत दररोज येणाऱ्या रुग्णांची संख्या दुपटीने वाढली आहे.
तसेच सक्रिय रुग्णांच्या संख्येतही वाढ पाहायला मिळत आहे. गुरुग्रामध्ये 270 कोरोनाबाधित आहेत. फरिदाबादमध्ये 34 तर सोनीपत मध्ये 8 अॅक्टिव्ह रुग्ण आहेत. 30 मार्चला इथे 41 रुग्ण आढळले होते
तर अॅक्टिव्ह रुग्ण हे 290 होते. तर शनिवारी 87 नवीन कोरोनाबाधितांची नोंद झाली आहे. यामुळे अॅक्टिव्ह रुग्णसंख्या वाढून 363 इतकी झाली आहे. केंद्राने केरळ, दिल्ली, हरियाणा, महाराष्ट्र आणि मिझोरम
येथील राज्य सरकारला पत्र लिहिले आहे. यात आरोग्य सचिव यांनी राज्यांना खबरदारी घेण्याचे आवाहन केले आहे. केंद्रीय आरोग्य सचिव राजेश भूषण यांनी पत्रात म्हटले आहे की, जिथे कोरोनाच्या रुग्णसंख्येत वाढ होत आहे तिथे नियमित लक्ष ठेवावे.
