माय महाराष्ट्र न्यूज:अक्षयतृतीया साडेतीन मुहूर्तांपैकी एक शुभमुहूर्त समजला जातो. अक्षयतृतीयेच्या मुहूर्तावर सोने खरेदी केली जाते. यामुळे सराफा बाजारात मोठी उलाढाल होते.
दरम्यान, आज सोन्याच्या दरात १,२८० रुपयांची घसरण झाली. २४ कॅरेट सोन्याचा प्रति १० ग्रॅम दर ५१,५१० रुपये होता. तर चांदी ८०० रुपयांनी स्वस्त होऊन ६२,७०० रुपयांवर आली आहे.
गुडरिटर्न्स वेबसाइटच्या माहितीनुसार, २२ कॅरेट सोने १,१९० रुपयांनी स्वस्त होऊन ४७,२०० रुपयांवर आले. दिल्ली आणि मुंबईमध्ये २४ कॅरेट सोन्याचा दर बंगळूर, हैदराबाद आणि कोलकाता येथे
असलेल्या दराएवढाच आहे. या ठिकाणी १० ग्रॅम सोन्याचा दर ५१,५१० रुपये एवढा आहे.फेडरल रिझर्व्हद्वारे जलद व्याज दर वाढीच्या शक्यतांमुळे सोमवारी सोन्याच्या किमतीत २ टक्क्यांपेक्षा जास्त घसरण
झाली आहे. यामुळे सोने तीन महिन्यांच्या निचांकी पातळीवर आले आहे. आंतरराष्ट्रीय बाजारात सोने प्रति औंस १,८६५ डॉलरवर आले आहे. (१ औंस म्हणजे २८.३५ ग्रॅम, १ तोळा म्हणजे १० ग्रॅम)
सराफा बाजारात २४ कॅरेट सोने सर्वांत शुद्ध सोने समजले जाते. मात्र दागिने बनविण्यासाठी २२ कॅरेट सोन्याचा वापर केला जातो. त्यात ९१.६६ टक्के सोने असते. दागिन्यांच्या शुद्धतेसाठी हॉलमार्क
संबंधित ५ चिन्हे असतात. २४ कॅरेट सोन्यावर ९९९, जर २२ कॅरेट सोन्याचा दागिना असेल तर त्यावर ९१६, २१ कॅरेट दागिन्यावर ८७५ आणि १८ कॅरेट सोन्याच्या दागिन्यावर ७५० असे लिहिलेले असते.
जर दागिना १४ कॅरेटचा असेल तर त्यावर ५८५ असे लिहिलेले असते.
