माय महाराष्ट्र न्यूज:सध्याच्या युगातील रिलेशनशिप्सची परिभाषा खूपच बदलली आहे. तसेच मुलं आणि मुलींच्या आवडीनिवडीही मोठ्या प्रमाणात
बदलताना दिसत आहेत. अनेकदा मुलांना मुलींच्या आवडीनिवडीविषयी जाणून घेणं फार कठीण ठरतं. त्यामुळे आवडत्या मुलीला आपल्या मनातील भावना सांगताना ते संकोच बाळगतात.
तर दुसरीकडे मुली आपल्या मनातील भावना त्या सहजासहजी व्यक्त करत नाहीत.मुलींसोबत चांगली मैत्री करायची असेल तर त्यांच्या
मनातील गोष्टी जाणून घेऊन त्यानुसार वागणे तुमच्यासाठी फायदेशीर ठरू शकते. मुलींच्या मनातील गोष्टी जाणून घेणे इतके सोपे नसते. कारण बहुतेक वेळा त्या आपल्या मनातील गोष्टी
नीट व्यक्त करू शकत नाहीत. मुलींच्या मनात आपले स्थान निर्माण करण्यासाठी, मुलींना नेमकी कशी मुले आवडतात हे जाणून घेणे महत्त्वाचे ठरते. जाणून घेऊया मुलांमधील असे कोणते पाच गुण आहेत
ज्याकडे मुली आकर्षित होतात.अनेकदा चित्रपटांमध्ये ‘हसी तो फंसी’ असे म्हटले जाते, कारण मुलींना अशी मुलं आवडतात जी स्वतः आनंदी असतात आणि जोडीदाराच्या चेहऱ्यावरही
हास्य आणू शकतात. मुली अस्वस्थ आणि निराश मुलांपासून दूर राहणे पसंत करतात.तुलना आणि उपदेश करणारी मुलं मुलींना अजिबात आवडत नाही. म्हणजेच आपले दिसणे, कपडे,
स्वभाव इत्यादींबद्दल मुलांनी आपल्याला जज करू नये असे मुलींना वाटत असते. तुम्हाला ही सवय असेल तर लगेचच आपली सवय बदला.मुलींना आदराने बोलणारी मुले आवडतात.
सकारात्मक स्वभाव मुलींना आवडतो. मुलांनी कधीही कोणत्याही मुलीचा, महिलेचा अनादर करू नये. असे केल्यास तुमची चुकीची छाप पडू शकते.एका रिसर्चनुसार, मुलींना ती मुलं आवडतात
जी नजरेला नजर देऊन बोलतात. यावरून त्यांचा आत्मविश्वास दिसून येतो आणि हीच गोष्ट मुलींना आवडते. जी मुलं लाजाळू असतात किंवा बोलता बोलता नजर चोरतात ते मुलींच्या हृदयात जागा बनवू शकत नाहीत.
मुली हे उघडपणे सांगत नसल्या तरी त्यांना सरप्राइज खूप आवडतात यात शंका नाही. जर तुम्हाला तुमचं नातं सुधारायचं असेल
तर मुलींना वेळोवेळी अशा गोष्टी न सांगता गिफ्ट करा ज्या त्यांना खूप आवडतात.
