माय महाराष्ट्र न्यूज:देशभरात कोरोनाच्या दुसऱ्या लाटेनं कहर केला. या लाटेत रुग्णसंख्येत मोठी वाढ झाली होती. परिणामी आरोग्य व्यवस्थेवर ताण आला. ऑक्सिजन, व्हेंटिलेटर बेडस आणि औषधांचा मोठा तुटवडा निर्माण झाला होता. दुसऱ्या लाटेचा प्रभाव बघता अनेक राज्यांमध्ये लॉकडाऊन किंवा कडक निर्बंध जारी करण्यात आले होते.
याचा थेट परिणाम लोकांच्या रोजगार, नोकऱ्यांवर झाला. अनेकांना आपली नोकरी गमवावी लागली तर अनेकांचे उद्योग, रोजगार (Employment) अडचणीत सापडले. सद्यःस्थितीत ही लाट काहीशी ओसरताना दिसत आहे. परंतु, सरकार आणि तज्ज्ञांनी आता कोरोनाची तिसरी लाट येण्याचा अंदाज वर्तवला आहे.
रोजगार, नोकऱ्या गमवाव्या लागल्यानं सध्या अनेक जण आर्थिक अडचणींचा सामना करीत आहेत.आपत्कालीन आरोग्य स्थिती निर्माण झाली तर वैद्यकिय खर्च कसा करायचा असा प्रश्न भेडसावत आहे. यासाठी सार्वजनिक क्षेत्रातील प्रमुख बॅंक असलेल्या स्टेट बॅंक ऑफ इंडियाने एसबीआय कवच पर्सनल लोन स्कीम लाँच केली आहे.
तुम्ही SBI ग्राहक असाल तर जवळच्या शाखेत जाऊन किंवा 1800 11 2211 या क्रमांकावर संपर्क करून याविषयी अधिक माहिती जाणून घेऊ शकता. जाणून घेऊया या योजनेविषयी.स्टेट बॅंक ऑफ इंडिया म्हणजे एसबीआयने 11 जूनला कोविड -19 रुग्णांसाठी कवच पर्सनल लोन ही योजना लाँच केली आहे. ही एक युनिक कोलॅटरल फ्री लोन स्कीम आहे. या योजनेअंतर्गत कोरोनाबाधित रुग्णांच्या उपचारांसाठी स्वस्त दरात कर्ज घेता येते.
या माध्यमातून कोरोनावरील इलाजासाठी झालेला मेडिकल खर्च रिइम्बर्समेंट केला जाऊ शकतो. यासाठी इच्छूक ऑनलाइन अर्ज करु शकतात.
